Descrición: Goku supera o seu propio límite! O xogo de Dragon Ball máis espectacular dos últimos anos. Feito por Arc System Works, os creadores de sagas de loita tan importantes como Guilty Gear e BlazBlue.
Versión: Xbox One X
Nota: Estarán dispoñibles todos os personaxes que saísen ata o momento.
Normativa
- Tanto a fase eliminatoria como a final disputaranse a BO3.
- Cada combate será 3 vs3 cun límite de tempo de 300 segundos.
- Pódese cambiar de loitador entre combates e entre roldas eliminatorias ao gusto do xogador.
- En semifinais e a final a selección de personaxe poderá ser cega se os xogadores o desexan. Na semifinal e final cada xogador diralle ao organizador que personaxe vai xogar sen que o saiba o rival e despois seleccionaraos evitando así o " counterpicking".
- Os usuarios poden traer os seus propios controis para participar no torneo, aínda que non inalámbricos (que non sexan o mando de Xbox One), nin con macros/ turbos.
- Os conversores Cronus Max Plus e Titan One non están permitidos.*
- Cada xogador deberá axustar os seus controis antes de empezar a loitar, non o podendo facer á metade do combate. É responsabilidade dos participantes ter os controis preparados antes de cada loita. En caso de non poder configurar o mando nun prazo de 5 minutos xogarase obligatoriamente co mando estandar da consola.
- O mapa será seleccionado aleatoriamente, en caso de elixir un mapa concreto reiniciarase cun mapa aleatorio.
- Queda prohibida a detención dun combate sen xustificación previa, coa penalización de round perdido en caso de producirse.
- Non se permite o coaching durante os combates.
Observacións
* En caso de necesitar un adaptador para poñer controladores doutra plataforma, a organización dispón de adaptadores Cronus Max Plus preparados expresamente para os torneos. Estes serán os únicos adaptadores permitidos.
A organización non se fai responsable do material achegado polos participantes.
En calquera caso a decisión do organizador prevalece sobre as normas.
A esta normativa compleméntaa a normativa xeral.
