Non importa se es un scener, un gamer, gústache o modding, ou se simplemente non encaixas en ningún outro lado... Esta é a túa sección! Só che pedimos que deixes a vergoña na casa.

 

  Pedra, papel, tesoira

Dous equipos enfróntanse, por ser o rei de “Pedra, papel, tesoira”, pero saltando cos pés xuntos, por uns aros de ximnasia O obxectivo é que un xogador, chegue ao extremo contrario desde o cal empezou.

 

  A momia da XGN

Xogo por parellas, o cal consiste en cubrir á outra persoa con papel hixiénico ata os nocellos no menor tempo posible.

 

  Globo Battle Royale

Todos contra todos, gaña o último sobrevivente. Consiste en atar un globo ao nocello e ir explotando os globos dos outros participantes.

 

  Lanzamento de CD

Consiste en lanzar un CD o máis lonxe posible.

 

  Bandas Sonoras

Adiviña as cancións, as cales poden ser de películas, series ou videoxogos.

 

  El chistaco

Conta o chiste máis malo que saibas, se o xurado ri, perdes.

 

  O  berro

Berra o máis forte que poidas, e canto máis dure mellor, a palabra que queiras.

 

  En busca das tallonadas

Atopa os tres tesouros da XGN. Se atopas o mellor tesouro poderas levar o que ti elixas da XGN, calquera cousa, exceptuando os obxectos dos participantes.