Desempoa o teu  gamer interior! Volve a competición de desenvolvemento rápido de videoxogos  opensource: Fast FOSS Game. Unha vez comezada a XGN R Encounter propoñerémosvos un tema, e teredes que desenvolver un xogo libre nun tempo limitado.

Por suposto, o xogo deberá ser utilizable en sistemas GNU/Linux, todos os recursos, librerías, e/ou frameworks utilizados deberán ser software libre, e o resultado deberá de ser  licenciable baixo unha licenza libre  OSI (ou unha combinación de varias compatibles). Presentaremos todos os xogos na gran pantalla!

Os xogos probaranse sobre un sistema  Arch Linux actualizado, con  GPU Intel. Poderase utilizar calquera paquete no repositorio principal de  Arch Linux como dependencia, a condición de que o indiquedes no  README. Tamén son admisibles xogos HTML5, que se probarán sobre a última versión de  Chromium dispoñible no repositorio.

Os resultados deberanse entregar en formato de código fonte, xunto cunha lista de dependencias necesarias e instrucións de compilación.

As normas completas desta actividade serán publicadas durante a  party na Intranet.